– Om godsterminalen skulle leggast i sentrum ville den dekka området frå bystasjon og bort til Håkonshallen, seier styreleiar i Hordnesskogen venner, Jan Petter Nøst.
Han var ikkje aleine om å finna vegen til Festplassen tysdag kveld, for å visa sin motstand mot at Hordnesskogen kan måtta husa ein ny godsterminal.
– Fleire og fleire protesterer ettersom konsekvensane går opp for dei, sa Nøst i sin appell.
I mai gjekk byrådet inn for at dei ønsker at godsterminalen skal leggast til Hordnesskogen.
Det har skapt store protestar.
– Dette rører ved veldig mange menneske, mange bruker skogen som turområde og mange bur i området rundt, seier ein av appellhaldarane Vibeke Flesland Havre.
Onsdag fell dommen i Bergen
Engasjementet i godsterminal-saka har vore stort i Bergen. Verken innbyggarane i Fana eller i Arna ønsker ein godsterminal velkomen.
- Les også:
- Les også:
I går gjekk utvalet for miljø og ressurs i Fylket inn for at godsterminalen bør leggast til Arnadalen.
I morgon, onsdag, stemmer både bystyret i Bergen og fylkestinget i Hordaland over kor dei meiner godsterminalen bør plasserast.
Den endelege avgjerda blir tatt av Samferdsledepartementet i haust.