Elska og hata blant hardingane: I helga var det uansett duka for med asfalt under hjula.
Brua opna offisielt klokka 15 laurdag, men rakk likevel å la over 4000 bilar passere før midnatt. Søndag køyrde 8946 bilar over, og det endelege talet blei til saman over 13000 bilar i løpet av opningshelga.
Dermed har Geir Brekke, kommunikasjonsrådgjevar i Statens vegvesen Region Vest, god grunn til å vere nøgd.
ERSTATTAR FERJA: Geir Brekke, her frå arbeidet med brubygginga tidlegare i år, er nøgd med at så mange hardingar testa ut 'nyevegen' mellom Ulvik og Ullensvang.
Foto: Ole Marius Kvamme / Hardanger Folkeblad– Det er flott! Men vi forventa jo sant å seie dette i starten, folk vil jo ut og teste den nye vegen.
Dessutan, med to splitter nye rundkjøringar i samband med brua kan det få "fatale" konsekvensar å ta av feil.
– Forhåpentlegvis får folk med seg kor dei skal ta av for å kome dit dei skal. I verste fall blir det jo berre ein ekstra runde over, smiler Brekke.
Fekk starthjelp av stengt Gudvangatunnelen
At trafikken gjekk godt under opningshelga, var å forventa. Fram til måndag var det nemleg gratis å testa ut den nye brua.
– Vi er sjølvsagt glade for at så mange passerte i opningshelga, men det verkelege talet gjenstår det å sjå, seier Brekke.
Les òg:
Det første døgnet med innkrevjing frå dei passerande bilistane, gjekk også langt betre enn forventa med nærare 3000 bilar. Det har ifølgje Brekke si forklaring i at Gudvangatunnelen på E16 er stengt.
– Vi får sjå, det blir spanande å sjå! Vi forventar om lag 2000 bilar i døgnet, så uansett årsak ligg vi så langt veldig godt an, avsluttar Brekke.
SJÅ VIDEO FRÅ OPNINGA HER:
Åpningen av Hardangerbrua