- Det er berre tull, vi veit begge to kva som skjedde seier Opdal til NRK.
Det mykje omdiskuterte målet i cupens kvartfinale laurdag kveld har skapt mange reaksjonar- og ikkje minst frustrasjonar i Brannlaget.
LES MEIR:
- Det er så openlyst at eg ligg nede, at Kovacs burde faktisk stoppa opp og spurt om eg var skada, seier Opdal.
Fotballekspert og kommentator Arne Scheie seier til NRK Hordaland at fotballen hadde tent på om Peter Kovacs hadde stoppa situasjonen.
- Om Kovacs var klar over at Opdal låg nede, så burde han absolutt nytta
fair play. Viss fair play skal ha noko verknad så må det jo brukast i nettopp slike situasjonar, seier Scheie.
Sportsleg sjef i Brann, Roald Bruun-Hanssen er enig med Scheie.
- Den scoringa og den handlinga i den situasjonen finn vi unfair, og etter vår meining bør den påtalast. Det vil seie at det bør kome klart fram av cuparrangørar, og av norsk toppfotball at dette er ikkje er i samsvar med fair play.
Peter Kovacs seier han ikkje såg at Opdal var skada.
- Når eg ser kampen så syns eg personleg at det er forferdeleg at fair play ikkje blir praktisert, seier Scheie.
Odd Grenland-trenar Dag Eiliv Fagermo meiner Kovacs gjorde heilt rett med å scora, sjølv om Opdal låg nede.
Erik Bakke si utvisning fall heller ikkje i god jord i Brannlaget.
- Heilt feil at eg blei utvist, seier Bakke til NRK.
Ved kampslutt kryssa Brann-leiinga av i kampskjemaet for at dei vurderte å protestere mot Peter Kovacs 2-0 scoring. Sportsleg sjef i Brann, Roald Bruun-Hanssen seier at dei droppar å levere ein offisiell protest fordi kampresultatet i sin heilhet er tydeleg, og ikkje nødvendig å bruke tid på.