Det blei gjort beslag i dopingmidlar, narkotika og tablettar, skriv Nordhordland. Ifølge lensmann Einar Vatne tilstod alle dei pågripne. Åtte fekk forelegg på mellom 4- og 10 000 kroner.
– Alle har tilstått, seier Vatne til avisa.
Dagens aksjon følgjer opp storaksjonen i slutten av februar då politiet slo til mot 30 personar i samme område. Då hadde politiet i lengre tid etterforska det unge narkotikamiljøet.
LES OGSÅ:
Fire pågripne under 18 år
Dei pågripne tysdag er både godt kjende av politiet, og personar som aldri har vore i kontakt med lovens lange arm.
– Foreldra er kobla inn i saka for dei fire yngste som alle er under 18 år, den yngste berre 14, fortel lensmannen, som lovar fleire aksjonar mot miljøet.
– Det er rikelig med narkotika i Nordhordland, også ulovlege dopingmidlar, seier han. Lensmannsdistriktet famnar kommunane Austrheim, Fedje, Lindås, Meland, Modalen og Radøy.
Usynlege aksjonar
Politiet i Nordhordland har vald ein annan aksjonsform mot narkotikamiljøet enn kollegaene i Bergen. I Bergen aksjonerte politiet svært synleg i februar ved å hente inn mistenkte i skuletida.
I Nordhordland har aksjonane foregått heime hos ungdommane.