62,7 prosent av kinobesøket i september var på norske filmar. Ein så høg norskdel i løpet av ein kalendermånad er ny rekord.
På toppen ruvar sjølvsagt haustens store kinosnakkis, Bølgen (les anmeldelsen her). Katastrofedramaet skildrar hendingane etter at Åkneset fell i vatnet og lagar ei flodbølge som omtrent utslettar turistperla Geiranger i Møre og Romsdal.
Filmen fekk heile 526.676 besøk førre månad, men er langt ifrå den einaste vestlandsfilmen som drar folk inn i kinosalen.
– Vi er inne i ein god periode no. Det finst gode historier her, som blir fortalde av gode forteljarar. Det har også vore arbeidd med å legge til rette for eit levande filmmiljø over lang tid, seier Lars Marøy i det regionale filmfondet Fuzz.
SKYL OVER NOREG: Giga-suksessen Bølgen har hatt over 715.000 besøk på norske kinoar så langt i år, og er den mest sette av dei norske filmane.
Foto: Fantefilm FiksjonOvervekt av bergensarar
For det er ikkje berre tematisk filmane krinsar rundt Vestlandet. Månadens nest mest sette film, «Karsten og Petra på Safari» (les anmeldelsen her), er laga av den bergenske produsenten Silje Hopland Eik. Også regissør Arne Lindtner Næss er frå "byen under skyen".
– Vi er kjempeglade for at så mange vil sjå Karsten og Petra. Det synest vi er heilt fantastisk, seier Hopland Eik.
Filmen har sidan premiera 4. september hatt 163.703 besøk.
HÅPEFULL: Produsent Silje Hopland Eik håpar filmmiljøet i vest blomstrar.
Foto: Tonje Bergmo / NRKBergensarane dominerer bak kamera
Også nummer tre på Film & Kino si mest populære norske filmar i september er "bergensk".
I «Knutsen & Ludvigsen og den fæle Rasputin» (les anmeldelsen her) er nemleg heile handlinga lagt til Bergen. I tillegg er den skrive av den bergenske manusforfattaren Thomas Moldestad, og delfinansiert av det regionale filmfondet Fuzz i Bergen.
– Vi er veldig glade for at det skjer mykje på Vestlandet og at det er eit miljø som utviklar seg. Det er kjempeviktig for oss, så eg håpar verkeleg at dette blir ei langvarig bølgje, seier Hopland Eik.
Det er litt over ei veke sidan premiera på Knutsen & Ludvigsen. Over 60.000 har sett den så langt.
I BERGEN: Knutsen & Ludvigsen og den fæle Rasputin finn stad i Bergen.
Foto: Norsk FilmdistribusjonFleire store vestlandsfilmar i haust
Det er gode sjansar for at Vestlandet vil vere framståande i norsk film også resten av året. Denne veka har den allereie kritikarroste skrekkfilmen Villmark II premiere.
– Det er knapt nokon som ikkje skarrar i den produksjonen, ler Marøy.
Ikkje nok med det, handlinga går føre seg også på det nedlagde Lyster sanatorium på Harastølen i Sogn.
