Her er Noregs fyrste mopedkyrkje

I Bangkok fartar Sjømannskirken rundt på si eiga mobile mopedkyrkje. No kjem den spesielle doningen også til Noreg.

I forbindelse med 150 årsfeiringa i Bergen no i helga lanserer Sjømannskyrkja ein kopi, som så vidt dei veit blir Noregs fyrste mopedkyrkje.

HER ER DEN: Slik såg det ut då Sjømannskirken i bergen testa ut den nye mopedkyrkja for fyrste gong.

Langs den populære backpackergata Khao San Road i Bangkok kan forbipasserande dagleg sjå ei noko utradisjonell kyrkje putre forbi.

Mopedkirke

KJEM TIL NOREG: Sjømannskirken kjem med mopedkyrkje i Noreg. Kyrkja er tilpassa bergenske forhold, men er ikkje så ulik den som i dag er i dagleg bruk i Thailand.

Foto: Sjømannskirken

Det er sjømannskyrkja som står bak fartøyet dei kallar «mopedkyrkje», ein mobil møteplass der unge norske backpackarar kan treffe kyrkja for ein prat.

– Frå mopedkyrkja kan me informere om vårt arbeid dersom det skulle skje uventa ting, det kan vere sjukdom, ulukker eller naturkatastrofar. Folk kan gå dit når dei har behov for å snakke med nokon, seier Linn Mevold Skogheim i Sjømannskirken.

I forbindelse med 150 årsfeiringa i Bergen no i helga lanserer Sjømannskyrkja ein kopi, som så vidt dei veit blir Noregs fyrste mopedkyrkje.

– Sikkert nokon som lettar på eit augebryn

Jan Olav Johanessen

MOPEDKYRKJE: I dag er generalsekretær Jan Olav Johanessen gjest i Morgon med NRK Hordaland, der han mellom anna skal fortelje meir om mopedkyrkja.

Foto: Sjømannskirken

I Thailand er moped eit av dei mest vanlege framkomstmidla.

– For eksempel er det veldig vanleg med mobile suppekjøken. Me lét oss inspirere av det og fekk laga vår eiga mobile kyrkje, fortel Skogheim.

– Me skal ikkje halde gudstenester der i tradisjonell forstand. Men vil nokon snakke om dei store tinga som Gud eller livet er me sjølvsagt der for dei.

Mopedkyrkja er tilpassa bergenske forhold, men har ikkje køyreløyve langs vegen. Det vil likevel vere mogleg å sjå den i farta på Festplassen i Bergen i helga. Der kan ein sjå det som truleg er Noregs fyrste mopedkyrkje mellom klokka 11–15 laurdag.

Mopedkyrkja skal seinare stå ved inngangen til Bergens Sjøfartsmuseum til den historiske utstillinga om Sjømannskirken som vert opna av H.M. Kongen søndag 31. august.

I dag kan du høyre generalsekretær i Sjømannskirken Jan Olav Johannessen fortelje meir om den nye mopedkyrkja på Morgon med NRK Hordaland.

Mopedkirke

KHAO SAN ROAD: I Bangkok fartar Sjømannskirken rundt på si eiga mobile kyrkje.

Foto: Dag Folkestad

Siste video

Gjengen i Stjernekoret har sunget sammen i flere år, men i høst bestemte dirigenten at koret skulle prøve noe helt nytt.
Brann har inngått avtale med Nike - og med på kjøpet kommer helt nye røde trøyer.
I sesongens siste Skavlan er det duket for landskamp mellom Norge og Sverige: Hvem husker mest fra Skavlan-året? På norsk lag stiller Harald Eia og Josefine Pettersen.