Noregs første offentlege smedutdanning må på elevjakt

Odda jobba i fire år for å få opna Noregs første offentlege smedutdanning. Men førebels har berre fire elevar tatt plass i den freda Oddasmia.

Fire elevar får opplæring i smedfaget i Odda det neste året.

LITEN GJENG: Her er tre av dei fire gutane som har starta på smedlinja i Odda denne hausten.

Fire elevar får opplæring i smedfaget i Odda det neste året, etter at utdanninga opna denne veka. Utdanninga er den einaste i landet, ved sidan av den private smedutdanninga på Hjerleid ved Dombås.

Opplæringa skjer inne i den freda Oddasmia – landets største industrismie.

Jørgen Staal

STAAL-SMED: Jørgen Staal er fornøgd med å ha valt smedlinja som utdanningsveg. Med høg snittalder på smedane i Norge, står han klar til å ta over jobbane.

Foto: Tale Hauso / NRK

– Eg heldt på med dette i arbeidsveka, syntest det var veldig gøy, og fann ut at dette hadde eg lyst å driva på med vidare, seier Jørgen, ein av elevane, med det passande etternamnet Staal.

Han seier arbeidet er hardt, med givande.

– Det er hardt arbeid, men fritt og kreativt, og ein får veldig meistringskjensle når ein klarer å laga noko.

– Endeleg på plass

Rektor ved Odda vidaregåande skule, Øyvind Bjørkevoll, er svært glad for endeleg å ha fått smedlinja på plass.

– Det er veldig stas at me har fått dette i gong. Dette er eit gammalt nisjeyrke som me no prøver å halda i hevd, seier Bjørkevoll.

Gjennomsnittsalderen på dagens smedar er 60 år.

– Det er viktig å få ned snittalderen litt, seier elev Jørgen Staal.

Han er altså ein av berre fire elevar som har starta smedutdanninga, som også består av læretid før ein får fagbrev.

– Me skulle gjerne vore fleire. Me får håpa at ryktet går om at dette er ein fin plass å vera, seier rektor Bjørkevoll.

– Trua handverksfag

John Opdal

ORDFØRAR: John Opdal.

Foto: Kari Nygard Tvilde / NRK

Ordførar i Odda, John Opdal, seier det har tatt tid å fått linja på plass.

– Det tok fire år før me klarte å realisere det. Men no er me veldig glade. Dette er ein god aktivitet i eit freda bygg, og så får me tatt vare på eit handverksfag som er trua. At elevar er interessert i å jobba med dette faget, er veldig bra, meiner Opdal.

LES OGSÅ: Smed-elever lager jernroser til 22. juli-monument

Siste video

Planetaten i Bergen kommune har lagt frem sitt forslag til ny trasé for Bybanen til Fyllingsdalen. Se hvordan de ser for seg den ti kilometer lange skinnegangen som vil koste minst 6,2 milliarder kroner.
En meteor eksploderte og brant opp i atmosfæren vest for Bergen i natt. De som var våken fikk seg et spektakulært show på nattehimmelen.
Har vunnet Statoil talentstipend på en million kroner.