Søndag kveld klokka 20 tek Brann i mot Start på stadion i Bergen. Start ligg på 10. plass med 31 poeng, åtte poeng framfor Brann, som ligg på nest sisteplass på tabellen når det no er fem kampar igjen å spele. Kampen er viktig for Brann som no slit for å behalde plassen i Tippeligaen.
Sist laga møtte kvarandre var i Kristiansand 4. mai. Då enda kampen 1–1 etter scoringar frå Espen Hoff og eit sjølvmål frå Markus Berger.
For Start-trenar Mons Ivar Mjelde blir det ein spesiell kamp. Det var han som leda Brann til både cup- og seriegull i løpet av si tid som Brann-trenar.
LES SAKA:
– Det følast litt spesielt. Men no må me vere profesjonelle og berre glede oss til å komme tilbake til Brann Stadion, og nyte augeblikket.
Brann har vore klubben min store deler av livet. Men sånn er livet i fotballbransjen, seier Mjelde.
Ein gnistrande Norling spent før kveldens kamp
Også tidlegare Brann-spelar Seyi Olofinjana får eit gjensyn med Brann, medan keeper Håkon Opdal må stå over på grunn av skade. Det må også Jesper Mathisen. Ernest Asante er tilbake frå karantene for Start, medan Rolf Daniel Vikstøl må stå over på grunn av tre gule kort, ifølgje Brann.no.
Brannspelarane er tente før dagens morgondagens kamp mot Start, forsikra Rikard Norling etter den siste treninga før kampstart. Likevel er han sjølv spent før nok ein skjebnekamp for å halde seg innanfor eliteserien.
– Det er bra intensitet, stor arbeidsinnsats og høgt nærvær i spelet blant spelarane, seier Norling.
Norling må også arbeide for å skape begeistring og håp i laget.
– Eg er vel den som skal vere gnisten spelarane treng for å brenne.
Kveldens troppar
Starts tropp i kveld: Terje Reinertsen, Pål Heigre, Glenn Andersen, Espen Hoff, Ernest Asante, Zlatko Tripic, Solomon James Owello, Fernando Paniagua, Bismark Acosta, Gummi Kristjansson, Kristoffer Ajer, Seyi Olofinjana, Robert Sandnes, Alexander Lind, Lars-Jørgen Salvesen, Amin Nouri, Espen Børufsen, Matthías Vilhjálmsson.
For Brann er Vadim Demidov og Markus Jonsson uaktuelle mot Start.