Både politi og brannvesen rykte ut til staden, etter at bebuarar melde frå om raset klokka 12.01.
Ingen personskadar
– Det er ein forblendingsmur som har rast ut på ein parkeringsplass. Det er ikkje meldt om skadar som følgje av utrasinga, seier vaktkommandør Rune Hovlandsdal ved 110-sentralen i Hordaland til NRK.no.
Han opplyser at politiet sikrar området.
Parkeringsplassen ligg ved ei bustadblokk i Lerkerinden 117 i Bergen.
Steinane raste ut ved innkøyringa til ein fellesgarasje. Det betyr at dei som hadde bilane sine inne i garasjen, inntil vidare må greia seg utan bil.
Uvisst kvifor muren raste
Det er usikkert kva som gjorde at muren plutseleg raste ut.
– Vi veit ikkje kva som kan ha vore årsaka, seier operasjonsleiar Preben Wallestad i Hordaland politidistrikt.
Han seier det tilfeldigvis var ein geolog i området, som raskt konstaterte at muren ikkje fungerte som fundament for nokon av bygningane.
Dermed kunne politiet avslutta arbeidet sitt på staden, og det blir opp til eigarane å handtera saka vidare.
SPERRA AV: Politiet kom raskt til staden og sperra av området.
Foto: Ingfrid Berge Fossåskaret / NRK