Trailersjåføren valde den lange vegen baklengs då han møtte raset.
– Eg trur ikkje eg har rygga så langt før, ler Johan Eklund.
Kom rett på raset
Han køyrer trelast til Bergen, og var på veg tilbake til Valdres med flis onsdag kveld. Men ved Stanghelletunnelen på E 16 mellom Trengereid og Dale møtte han politisperringar.
For her sperra eit stor steinras vegen.
- LES OGSÅ:
- LES OGSÅ:
– Då var eg jo berre nøydd til å stogga, fortel Eklund som køyrer ein trailer med totallengde på rundt 20 meter.
Tenkte først å venta
Han tenkte først at han fekk venta til det vart opna att. Men då han fekk beskjed om E16 ville vera stengd i alle fall over natta hadde han ikkje noko val.
Einaste moglegheit for å då koma seg austover, vart å køyra fylkesveg 7 om Norheimsund. Men å snu traileren skulle visa seg å ikkje vera lett.
– Ja, eg måtte jo berre byrja å rygga til eg fann ein plass eg kunne snu, ler Eklund.
SJÅ VIDEO: Rasstedet på E16 frå lufta.
Rygga i 54 minutt
Politiet på staden meinte han måtte rygga kring åtte kilometer før han fann ein stad stor nok til at han kunne snu vogntoget.
I 54 minutt manøvrerte 25 åringen traileren på den rasutsette strekninga.
– Det blir jo mykje rygging på desse smale vestlandsvegane, så det går jo bra men det går sakte og det vart jo langt.
Han fant seg til slutt eit forbikøyringsfelt ved Fossmarki, kring tre kilometer frå Stanghelletunnelen i retning Vaksdal.
Der fekk han endeleg snudd traileren, og kunne setje kursen mot Valdres via fylkesveg 7.
LES OGSÅ: Geolog meiner det er livsfarleg å køyre E16
Tenkjer ikkje på rasfaren
Han køyrer ofte på E16 og veit om farane. Men han vel å ikkje tenka på dei.
– Eg vil eigentleg ikkje tenke på det, sjølv om eg sjølvsagt gjer meg nokre tankar. Men eg kan ikkje ha ein slik jobb om eg skal sitja å tenkja på rasfaren heile tida, det går ikkje, slår Eklund fast.
