Sekkingstad frå Sotra landa søndag føremiddag i byen Davao i Filippinane, der han i dag skal møta president Rodrigo Duterte.
Militærtalsmann Filemon Tan seier til NTB at Sekkingstad allereie har møtt Filippinenes fredsminister Jesus Dureza. Det skjedde i separatistgruppa Moro-folkets nasjonale frigjeringsfront (MNLF) sin leir på øya Jolo.
Denne gruppa har ei fredsavtale med styremaktene i landet, og i helga fekk gruppa overlevert Sekkingstad frå Abu Sayyaf.
– Kjartan Sekkingstad fortalte at han vart halden av ei gruppe på 300 menn og at han fekk lite mat, seier viseguvernør Abdusakur Tan til NRK. Han var i dag med då Sekkingstad vart henta og køyrd til flyplassen på Jolo.
– Ein gledens dag
Tre indonesiske gislar vart overlevert til filippinske styremakter saman med nordmannen Kjartan Sekkingstad søndag, melder nyhetsbyrået AFP.
– Dette er ein gledens dag, for alle som har jobba med saka og ikkje minst for familien her heime, seier statsminister Erna Solberg til TV2.
Ho seier at arbeidet med frigivinga av nordmannen gjekk i flere trinn, med bruk av både militært press og forhandlingar.
– Den norske ambassadøren og delegasjonen i Filippinane har mottatt Sekkingstad, og sagt at han er i god behald. Vi har ikkje vilja stadfesta dette før vi var heilt sikre på at han var i god behald, seier Solberg.
Saka blir oppdatert.