Følg med på byrådsduell no

– Det som står fram som kaos i bergenspolitikken, må me no prøva å gjera meir forståeleg, seier leiar for debatten, NRK-journalist Oddgeir Øystese.

Det har storma i politikken i Bergen dei siste vekene med byrådsavgang, ubalanse i budsjettet og med bråket rundt ordførar Trude Drevland.

Ei meiningsmåling frå InFact laga for NRK og Bergensavisen viser no at bergensarane har sviktande tillitt til bergenspolitikken.

• Les også: Høgre gjer si dårlegaste bergensmåling på årevis

To mot to

Politikarane blir i kveld utfordra på kva dei vil endra på om dei får makta i byen.

Det heile opnar med byrådsleiarduell mellom Martin Smith-Sivertsen (H) og Harald Schjelderup (Ap).

Debatten er eit samarbeidsprosjekt mellom NRK Hordaland og BA. Delta i debatten på Twitter under emneknaggen #vibestemmer.

• LES OGSÅ: Ikke lenger bergensernes favoritt

Også dei andre partia sine toppkandidatar vil bli utfordra i duellar. Desse deltek:

• Oddny Miljeteig (SV)
• Dag Inge Ulstein (KrF)
• Tor A. Woldseth (Frp)
• Marte Mjøs Persen (Ap)
• Erlend Horn (V)
• Sofie Marhaug (Rødt)
• Sondre Båtstrand (MDG)

– Økonomi blir eit viktig spørsmål

I går vart det kjent at Bergen kommune har eit negativt budsjettavvik på 127 millionar kroner. Leiar for debatten trur kommuneøkonomien vil bli eit heitt tema.

– Bergen kommune har meir gjeld enn nokon gong, og det vert store kutt i tenestetilbodet. Opposisjonen er oppgitte over kutta, så det vert spanande å sjå kva for løysingar dei kjem med, seier Oddgeir Øystese.