En mann i 20-åra vart lettare skadd etter ei ulukke ved Vågseidet i Lindås kommune i Hordaland.
Mannen vart henta med luftambulanse og klaga på store smerter i ein fot, opplyser politiet.
Måndag kveld opplyser Haukeland universitetssjukehus at mannen er lettare skadd.
Skadd i samband med landing
Mannen skal ha kome inn for landing for fort og difor landa for hardt.
– Han skal deretter ha falle ned ein skrent. Der vart han liggjande og kom seg ikkje opp av eiga maskin, seier Rebnord.
Mannen vart henta ned frå den 363 meter høge fjelltoppen Skausnøya og sendt til Haukeland universitetssjukehus med luftambulanse.
Naudetatane rykte ut etter at meldinga kom 18.15. Brannmannskap frå Lindås rykte ut til området. Klokka 18.50 opplyste brannvesenet på Twitter at mannskapet returnerer.
– Me fekk førespurnad frå AMK om å stilla med mannskap. Desse vart kalla ned att då luftambulansen henta den skadde ut, seier vaktkommandør ved 110-sentralen i Hordaland, Stig Tetler, som opplyser at mannskapet hadde kontakt med mannen.
