Ein mann blei berga opp av sjøen i Etne onsdag kveld. Meldinga blei meldt inn klokka 20.15
Lokalt brannvesen var først på staden og dreiv lenge gjenoppliving på ferjekaien i Skånevik sentrum.
Klokka 21.35 opplyser Sør-Vest politidistrikt på Twitter at mannen er erklært død.
Brannvesen starta gjenoppliving
Klokka 21 var politi og ambulanse også framme på staden. Sistnemnde tok då over forsøket på å gjenoppliva mannen.
Eit Sea King-helikopter frå Sola blei rekvirert og landa på ferjekaien i Skånevik.
– Mannen blei erklært død klokka 21.20. Då hadde brannvesenet og helsepersonell forsøkt å gjenoppliva mannen sidan like over klokka 20.30, seier operasjonsleiar Tore Frøyland-Jensen i Sør-Vest politidistrikt.
ETTERFORSKING: Polite gjer undersøkingar på ferjekaien i Etne etter det som framstår som ei drukningsulykke.
Foto: Liv Astrid H. Hesjedal / GrannarBlei sist sett medan han fiska
Hendinga skal ha skjedd i nærleiken av Krambua som ligg like ved ferjeleiet i Skånevik. Politiet har ingen informasjon om kva som førte til at mannen hamna i sjøen.
Det skal ha vore forbipasserande som oppdaga mannen i vatnet.
– Politiet har vore i kontakt med vitner som seier at avdøde skal ha vore i området og fiska i sjøen. Men kvifor han har hamna i sjøen, er uklart, seier operasjonsleiar Andre Skram Hansen.
Mannen er i 60-åra og busett i Skånevik. Dei pårørande er varsla.
Den avdøde vil bli obdusert ved Gades insitutt i Bergen. Politiet vil følgja opp med vitneavhøyr torsdag.
