NRK Meny
Normal

Mann arrestert etter funn av blodig person

Ein mann er arrestert på Kleppestø etter at ambulanse tidlegare i kveld henta ein blodig mann på staden.

Laster kart, vennligst vent...

FANN BLODIG MANN: Ein mann er arrestert i samband med at ein blodig mann blei funne på Kleppestø tidlegare i kveld.

– Vi veit svært lite om kva som har skjedd. Vi er akkurat no i ferd med å få snakka med fornærma, som blei sendt til sjukehus då han blei funnen, fortel operasjonsleiar i politiet, Bjarte Rebnord.

Både kriminaltekniske undersøkingar og kriminalsøkshund er blitt brukt i etterforskinga på staden.

Rundt klokka 18.00 i ettermiddag fekk politiet melding om at blodig mann var funnen på Kleppestø i Askøy. Han er lettare skadd etter hendinga.

Mann arrestert

Ein mann er arrestert i samband med saka. Den blir førebels etterforska som lekamsskading, men politiet gjer merksam på at dette kan endre seg etter kvart som fleire opplysningar kjem til.

– Han var i same område som fornærma, og det grunn til å tru at han har vore involvert. Fleire opplysningar enn det vil eg ikkje ut med no, seier Rebnord.

Mannen er sett i varetekt, og vil bli avhøyrd i kveld. Det er førebels usikkert om han må tilbringe natta i arresten for vidare avhøyr i morgon.

Kutt i hovudet

Då mannen blei funnen var han blodig, og hadde eit kutt hovudet. Blodspora på staden er ein av årsakene til at politiet har gjort kriminaltekniske undersøkingar for å sikre prov.

– Vi har også snakka med folk i området. Rundspørjinga har vi akkurat avslutta no, så politiet vil reise frå staden snart, fortel Rebnord.

Siste video

Lars Vaular, Nordvegen, Marius Neset, Terje Isungset og Eivør underholdt tusenvis på Torgallmenningen.
Kringkastingssjef Thor Gjermund Eriksen møtte NRKJ-leder Richard Aune.
Programleder: Mariann Reikerås