Aktor Magne Kvamme Sylta (biletet) krev 14 års forvaring for mannen som er tiltalt for å ha drept sin stefar (62) i Loddefjord i desember 2014, skriv Bergens Tidende. Dei seks sønene til 62-åringen krev 200.000 kvar i erstatning. Den tiltalte 29-åringen nektar straffskuld.
Etter å ha forlate leilegheita blodig, forklarer 29-åringen at han ikkje snakka med så mange om kva som hadde skjedd, før han las på nyheitene at ein person var drepen i Loddefjord. – Verden heldt på å rase saman. Eg fekk sjokk, seier den tiltalte.
Den tiltalte i drapssaka seier i si forklaring at det oppstod ein oppheta diskusjon mellom dei. Til slutt skal han ha blitt angripe med kniv og dei to barka saman i ein slosskamp. – Eg slo til han i ansiktet. Det neste eg hugsar er at eg blir bedt om å komme meg ut, og han låser døra etter meg, forklarer 29-åringen.
Etter ti minutts pause startar den tiltale 29-åringen si forklaring i Bergen tingrett. Mannen erkjenner å ha vore i eit basketak i 62-åringens leilegheit, men nektar straffskuld for drap. Den tiltalte blir forsvara av advokat Sol Elden.
Påtalemakta sit med ei rekkje bevis som plasserer den tiltalte 29-åringen i leilegheita til avdøde 12.desember 2014. – Vi har videoopptak frå fleire overvakingskamera, samt vitner som har observert den tiltalte med blodige klede, fortel aktor i si innleiing.
