NRK Meny
Normal

Mann (29) takka nei til å bli sleppt fri frå fengsel

Politiet ville lauslata 29-åringen som er sikta for menneskehandel, men sjølv likar han seg best bak murane.

Bergen fengsel

VIL BLI: Mannen har vore fengsla i ti månadar, og trivst godt med soningsforholda i Bergen fengsel.

Foto: Arne Frank Solheim

Det er Bergens Tidende som skriv om den noko spesielle varetektsfengslinga i Bergen tingrett. Ein 29 år gamal mann av utanlandsk opphav har i ti månadar vore varetektsfengsla, sikta for å ha truga og utnytta fleire kvinner til prostitusjon.

Men no er saka etterforska og oversendt statsadvokat for tiltalevurdering. Politiet ville sleppa fri 29-åringen frå varetekt, men det ynskja ikkje den sikta sjølv.

Trivst med soningsforholda

Mannen har gjennom sin forsvarar gjort det klart at han ikkje ønskjer å bli sleppt fri no.

««Han har opplyst at han har solgt sin bolig, samt at han er tilfreds med forholdene under varetekt og at han får oppfølgning i fengselet som han ønsker å benytte seg av videre», står det i rettsdokumenta ifølge BT.

Politiet var heller innstilt på å lauslate 29-åringen, og deretter pålegge han besøksforbod mot kvinnene som er involvert i saka. Dette fordi det vil ta noko tid før saka eventuelt kjem opp i Bergen tingrett.

Ønsket innvilga

Men tingretten legg vekt på at den sikta sjølv ønskjer å halda seg bak murane, og dommaren har bestemt at han skal sitta i varetekt i fire veker til.

Siste video

Programleder er Mariann Reikerås
.....på kaien ventet familien.
Aksjon mot det politiet mener er asylsøkere som har oppgitt feil hjemland. Se sendingen med programleder Jan Børge Leirvik.