NRK Meny
Normal

Mann (19) slått i hovudet med flaske

Ein mann (19) vart slått med flaske i hovudet i Bergen sentrum i natt. – Han blødde kraftig, opplyser politiet.

Politiet fekk melding om hendinga som skjedde i Vestre Torggate klokka 00.32.

– Ein vakt på Fotballpuben melde ifrå om at ein mann vart blitt slått i hovudet med ei flaske. Han hadde kuttskadar og blødde kraftig frå hovudet, opplyser operasjonsleiar i Vest politidistrikt, Eivind Hellesund.

Den 19 år gamle mannen vart køyrd vekk i ambulanse, men politiet veit ikkje noko meir om skadeomfanget.

Gjerningsmannen stakk frå staden, og politiet har leita etter han i heile natt.

– Etter ei stund fann me ut kven den antekne gjerningsmannen var, og klarte å pågripe han på heimeadressa hans, seier Hellesund.

Mann slått ned på Stord

På Leirvik på Stord måtte politiet klokka 02.30 rykka ut til melding om at ein mann i 20-åra var blitt slått ned.

Ein person vart raskt pågripen, opplyser politiet på Twitter.

Mannen i 20-åra vart sendt til Stord sjukehus etter episoden, men det skal ikkje vera snakk om alvorlege skader, ifølge politiet.

Siste video

Distriktsnyheter fra Hordaland og Sogn og Fjordane
Erna Solberg med fremføring av "Nystemten" og Ketil Solvik-Olsen på tuba var en del av den offisielle åpningen av Bergens nye flyplass.
Se hele arbeidet med å fjerne flytedokken fra Foto/redigering: Tim Wassmo