NRK Meny
Normal

Mange utviklingshemma slit med vekta

Eit nytt prosjekt i Bergen skal no hjelpe fleire utviklingshemma til å ete sunnare og få eit betre kosthald.

Andersen

MED PÅ PROSJEKTET: Siri Arnesen sin middag er nøye målt opp og lagt i posar. Ho har Prader Willis syndrom, som er med på å gjere ho overvektig. Etter å ha vore med i prosjektet har Siri gått ned 50 kilo på tre år.

Foto: Siri Løken

– Her er biff, bakt potet og grønsaker, seier Siri Arnesen medan ho viser matvarene til dagens middag som er nøye målt opp og lagt i posar. Arnesen har Prader Willis-syndrom og bor i bufellesskap.

Det er mange med ulike funksjonshemmingar som har problem med over eller undervekt, og å ete riktig og sunn mat. Funksjonshemminga til Siri er med på å gjere ho overvektig.

– Eg blir aldri mett. Det er veldig kjedeleg, for då kan eg berre fortsetje å ete, forklarer ho.

Nytt prosjekt skal hjelpe

Eit nytt prosjekt i Bergen skal no gjere at fleire utviklingshemma skal få hjelp til å ete sunnare og få betre kosthald.

Elona Zachariassen og Monica Hauge

SER BEHOVET: Elona Zakariassen (t.v) og Monica Hauge (t.h) ser behovet for å ha eit prosjekt som skal gje funksjonshemma eit betre kosthald.

Foto: Siri Løken / NRK

Helsedirektoratet er med på å finansiere prosjektet, og målet er at også resten av landet skal kunne bruke metodane frå Bergen.

Meir bevisst forhold til sunn kost

Sjukepleiar Elona Zakariassen, leier no eit prosjekt i Bergen som skal gje denne gruppa betre kosthaldsrutinar.

– Planen er at dei skal få eit meir bevisst forhold til sunn kost, og at alle brukarane skal få riktig og nok mat. Det er og ei utfordring med underernæring, seier Zakariassen.

Betre rutinar og oppfølging skal no gjere at dei får hjelp til å ete sunnare.

– Vi ser at det manglar kunnskap både blant brukarane sjølv og personale, men dette prosjektet er med å betre dei, forklarar Zakariassen.

Siri Arnesen

FÅTT TRENINGSOPPLEGG: Siri Arnesen har gått ned 50 kilo på tre år. Ho har fått treningsopplegg og hjelp til å planlegge vekemeny og handleliste.

Foto: Siri Løken

Gått ned 50 kilo

– Eg varierer mellom å sykle, gå turar og trene på treningsstudio, seier Siri.

Siri har gått ned 50 kilo på tre år. Ho har fått treningsopplegg og hjelp til å planlegge vekemeny og handleliste. Bragda hennar vert no brukt som døme for andre funksjonshemma.

Monica Hauge er leiar i Bergen kommune har kjent Siri i mange år. Ho er stolt og er imponert.

– Dei som ser kva Siri har klart i dag er utruleg fasinert og glad for det, seier Hauge.

Siste video

Vi flyttet studioet vårt ned til sentrum i anledning sykkel-VM
Opp mot 15.000 publikummere fant veien til Fløyen i Bergen under dagens temporitt.
Flere overnattet på fjellet for å holde av de beste plassene.