Dei tre kvinnene i 20-åra hadde bilen full av tjuvgods då dei blei pågripne av politiet, skriv TV2 Nettavisen.
Politiet meiner dei har gjennomført grove tjuveri- og lommetjuveri-raid i fleire norske byar, mellom anna Bergen og Horten.
Dei franske kvinnene er no varetektsfengsla for to veker.
Smykke og belte
Politiet fann klokker, belte, smykke og parfymeartiklar blant tjuvegodset.
- Dette er ei spesiell sak, også fordi vi sjeldan klarer å stoppe dei som står bak slike tjuveriraid. Dei er utroleg proffe, fortel politiadvokat Cecilie Schløsser Møller ved Oslo politidistrikt.
Ho forklarer fengslinga med flaks og samarbeid mellom fleire politidistrikt.