Etter fleire dagar med sonderingar mellom KS og lærarorganisasjonane, blei det søndag kveld klart at streiken held fram.
Verken lærarane eller KS ser ut til å ville fire på krava, og no kan det gå mot ei ytterlegare opptrapping av streiken.
LO i Bergen og Omland stiller seg bak dei streikande lærarane, og syner støtta i dag med ei fanemarkering i Bergen sentrum. Markeringa byrja i dag klokka 12.00 ved den Blå steinen på Torgallmenningen.
I overkant av 60 personar var møtt fram til markeringa.
Leiar av Arbeidarpartiet i Bergen Marte Mjøs Persen, Rune Nielsen i Skolenes landsforbund og Jorge Alex Dahl i LO heldt appellar under arrangementet.