Lastebil gjekk varm i Måbødalen
Bremsane på ein trailer gjekk varm på veg ned Måbødalen i Eidfjord. Det rauk kraftig frå traileren, som vart stoppa av publikum i Øvre Eidfjord, melder Vest politidistrikt.
– Det er målt 450 grader i bremsane. Me legg ned køyreforbod mot køyretøyet, fortel operasjonsleiar Morten Kronen.
Lastebilen er registrert med latviske skilter.
Patruljen i Hardanger skal først hiva ut nokre sauar frå Røldalstunnelen, før dei tek turen til Eidfjord og følgjer opp sjåføren vidare, opplyser Kronen.