Naudetatane har rykka ut til E39 mellom Bergen og Åsane etter melding om at ein bil har køyrt av vegen.
Ulukka skjedde under øvingskøyring med ein bil, opplyser politiet. Det var tre personar i 20-åra i bilen. Ein av dei er frakta i ambulanse til Haukeland sjukehus med lettare skader.
– Ei kvinne er køyrt til akuttmottaket på Haukeland. Ho er lettare skadd. Ein anna er sendt til legevakta for ein sjekk. Den tredje personen i bilen kom uskadd frå utforkøyringa, seier politiets innsatsleiar på staden, Ronny André Øvrebotten.
Begge felt åpna
Ulukka skjedde i retning Bergen, før Glasskartunnelen.
Brannvesenet er på staden og sikrar området.
Begge felt er no opna. Ifølgje vegtrafikksentralen flyt trafikken greitt.