2-åring på betringas veg
Den to år gamle guten som var involvert i ei trafikkulukke i Måbødalen laurdag, er no på betringas veg. Han var lagt inn på Haukeland sjukehus med alvorlege skader, men måndag opplyser Helse Bergen at han har lettare skader.
-
Foto: 03030-tipser -
2-åring alvorleg skadd
Ein to år gamal gut fekk alvorlege skader i trafikkulukka på riksveg 7 i Måbødalen i går ettermiddag. Ei kvinne og ein mann i 30-åra ligg innlagd på Haukeland med lettare skader. Bilen dei sat i kolliderte i fjellveggen i ei 80-sone, og to luftambulansar vart sendt til staden.
Foto: 03030-tipser -
Riksveg 7 opna etter ulukke
Riksveg 7 i Måbødalen er no opna att, etter ei trafikkulukke. Ei kvinne og eitt barn er sendt i luftambulanse til Haukeland sjukehus, medan ein mann vert køyrt i ambulanse.
-
Eit felt opna på Rv7 i Måbødalen
Eit felt er opna med manuell dirigering ved Vøringsfossen i Eidfjord. Vegen har vore stengt på grunn av ei trafikkulukke.
-
2-åring frakta vekk i luftambulanse
Dei to vaksne og barnet som var i ei trafikkulukke på riksveg 7 ved Vøringsfossen er ikkje alvorleg skadde. Barnet, ein 2-åring, har fått ei flenge i panna, men var vaken då politiet kom til staden. Mannen har smerter i ein ankel, medan kvinna har smerter i bryst og hofte. Luftambulansen held no på å lande, og Måbødalen er stengt for trafikk inntil vidare.
Foto: 03030-tipser