Fredag stadfesta samferdsleminister Magnhild Meltveit Kleppa at arbeidet skal ta til neste år.
Jubel i Nordhordland
Tunnelaksjonistene jublar for at Eikåstunnelen på E39 i Åsane i Bergen skal byggjast med dobbeltløp. Tunnelen vil gå mellom Vågsbotn og Eikås.
Vegdirektoratet stoppa prosjektet fordi tunnelen ikkje var planlagt som to separate tunnelløp, noko som er i strid med EU-reglar.
Eva Bolstad i aksjonskommiteen for Eikåstunnelen er gledeleg overraska.
– Eg er veldig glad for at ho har handla så raskt, sier ho til NRK.
– Og vi er litt overrasket over at det gjekk så pass fort også.
– No får vi håpe at dei kjem raskt i gang. Dette betyr veldig mykje. Vi får jo en sikker vei rundt Vikaleitet no.
– Og vi får jo håpe at ulykkestala går ned.
LES OGSÅ:
Oppstart i 2011
– Vi legg opp til at det blir oppstart på dette viktige trafikksikkerhetspriosjektet neste år, seier samferdselsministeren til NRK.
Ho vedgår at det er kravet frå EU som har pressa fram løysinga.
– I staden for å gå rundt dette med å søkje dispensasjonm har vi komme til at det blir raskast å gå i gang å bygge to løp med det same, seier Magnhild Meltveit Kleppa.
– Det betyr ein reguleringsplan som Statens veivesen og Bergen kommune no samarbeider om, som skal ut på høyring no i månadsskiftet mai-juni.
Ikkje sikkert det blir dyrare
– Kven betalar ekstrakostnaden med å lage to løp?
– Nå må vi først komme tilbake til kor store ekstrakostnader det blir. Og så får vi sjå på korleis det skal løysast. Per i dag ser det ikkje ut som om kostnadene blir så store.
– Kor vanskelig har denne saka vore.
– Det er ei krevende sak.
– Lokalbefolkning har vore svært opptatte av å få sikre dette området bedre. Det skjønner eg godt.
Dei har blitt utsatt for den ene utsettelsen etter den andre av dette prosjektet.Til Stortinget i haust
– Eg forstår godt utålmodigheten. Og eg meiner vi må nå stille opp for å få denne tunnelen på plass, seier Kleppa.
– Dersom det skulle bli ekstrakostnadar, tar departementet desse?
– No skal vi først sjå kva det kan bli snakk om i kostnadar. Så må vi leggje ein finansieringsplan, sier ho.
Kleppa ser for seg at saka skal opp i Stortinget i løpet av hausten.
– Slik at alle veit kva vi har å forholde oss til i budsjettet for 2011.