NRK Meny
Normal

Kan ta veker før Bergensbanen kan opna igjen

Berre å sikra rasstaden ved Mjølfjell kan ta fem dagar.

Det kan ta veker før Bergensbanen kan opnast igen

KAN TA FLEIRE VEKER: Snøoverbygget ved Ørneberget stasjon vart smadra av raset. Etter det NRK.no kjenner til kan det ta veker før Bergensbanen er farbar forbi rasstaden.

Foto: Oddgeir Øystese / NRK

Sundag vart Bergensbanen stengd etter at store steinblokker og jordmassar rasa over skinnegangen ved Mjølfjell.

Etter det NRK.no kjenner til kan det ta fleire veker før Bergensbanen kan opna igjen forbi rasstaden.

– Omfattande skadar

Måndag var Jernbaneverket og geolog på plass ved rasstaden.

Jon Hermann Rivenes

– OMFATTANDE SKADAR: Jon Hermann Rivenes i Jernbaneverket seier det vil ta fleire dagar å sikra rasstaden.

Foto: Oddgeir Øystese / NRK
Store steinblokker

STORE KREFTER: Steinblokkene nedanfor skinnegangen viser kreftene som var i sving sundag ettermiddag.

Foto: Oddgeir Øystese / NRK
Snøoverbygg ved Ørneberget stasjon

RASERT RASOVERBYGG: Snøoverbygget ved Ørneberget fekk store skadar då stein- og jordmassar dundra ned fjellsida ved Mjølfjell.

Foto: Oddgeir Øystese / NRK

– Det er omfattande skadar på både linja og skinnegangen, og rasoverbygget og kablar er heilt øydelagde, seier Jon Hermann Rivenes, som er prosjektleiar i Jernbaneverket.

– Berre det å sikra området kan ta fem dagar åleine, seier prosjektleiaren.

Måndag og tysdag vil om lag 2500 passasjerar verta råka av stenginga. Det er haustferie i Hordaland denne veka, noko som gjer at det er fleire reisande enn til vanleg.

I tillegg til raset fører problem med naudsambandet mellom Myrdal og Bergen at passasjerane må reisa med buss-for-tog på heile strekninga mellom Bergen og Oslo.

LES ÒG: Ber passasjerane møta som normalt

Skal studere fjellsida

Rivenes vil ikkje spekulera i kor lang tid det kan ta å få i gang drifta av jernbana.

– Ein entreprenør skal i ettermiddag opp å sjå på sjølve fjellet, først etter at det er gjort vil vi vite meir om tidsaspektet.

NRK.no får opplyst at det framleis skal vera lausmassar oppe i fjellsida.

LES ÒG: Opplevde raset som dramatisk

Siste video

Distriktsnyheter fra Hordaland og Sogn og Fjordane
Erna Solberg med fremføring av "Nystemten" og Ketil Solvik-Olsen på tuba var en del av den offisielle åpningen av Bergens nye flyplass.
Se hele arbeidet med å fjerne flytedokken fra Foto/redigering: Tim Wassmo