NRK Meny
Normal

Vil ha SV og Venstre med vidare

Arbeidarpartiet og KrF inviterer SV og Venstre til sonderingar. – Vi har ein del politikk som foreinar oss, seier byrådsleiarkandidat Harald Schjelderup (Ap).

Harald Schjelderup og Dag Inge Ulstein utanfor rådhuset før sonderingssamtalar med SV og Venstre

Byrådsleiarkandidat Harald Schjelderup (Ap, til høgre) og Dag Inge Ulstein (KrF) møter SV og Venstre til sonderingssamtalar i dag.

Foto: Sølve Rydland / NRK

Det første møtet mellom dei fire partia blir på rådhuset klokka 13.00 i dag får NRK opplyst.

Formelt sett dreiar det seg om sonderingar for å sjå om det er grunnlag for vidare forhandlingar om eit byrådssamarbeid mellom Ap, KrF, Venstre og SV.

Ein halvtime før møtet stilte Harald Schjelderup (Ap) og Dag Inge Ulstein (KrF) til ein kort pressekonferanse.

– Vi har invitert dei til eit felles sonderingsmøte. Vi har eit prosjekt og ein retning for Bergen som vi har tru på. Vi trur SV og Venstre deler dei tankane vi har, seier Schjelderup til NRK.

Håpar på reelle forhandlingar om kort tid

Han legg til at han håpar sonderingssamtalane kan legga grunnlag for å starta reelle forhandlingar om kort tid.

I utgangspunktet treng Ap og KrF berre eitt parti til før dei kan danne fleirtalsbyråd. Difor er det ganske opent kva parti som endar opp i byråd.

– Håpet er reelle forhandlingar i løpet av få dagar. Og eg håpar vi blir fire parti, kommenterer Schjelderup.

Dagens samtaler tyder på at Miljøpartiet Dei Grøne og Senterpartiet no ser ut til å vera ute av dansen om å eventuelt koma i byråd.

– Vi konstaterer at dei har vald å gå vidare med SV og Venstre i staden for. Vi er klare for å drive med grøn politikk uansett, seier Sondre Båtstrand i MDG.

Flørtar med Bryggen-tilhengarar

Med sonderingssamtalar med KrF, Venstre og SV går Ap i møte med alle dei partia som sterkast har kravd ei bybane over Bryggen i Bergen. Sjølv vil Ap ha bybanen i tunnel mot Åsane.

– De går til sengs med heile bybanealliansen, betyr det at Ap har gitt seg?

– Vi har eit klart syn. Bybanen har vi ikkje diskutert enno, det vil vi gjera i forhandlingar. Vi håpar å kome fram til ei god løysing, svarar Schjelderup.

Venstre, KrF, MDG,Sp, Ap, SV og Raudt under debatten fra Litteraturhuset i Bergen

GJENGEN: Dei som får vera med vidare i samtalar om byrådssamarbeid er Erlend Horn (V, t.v.) og Mikkel Grüner (SV, nummer to frå høgre). Både Sondre Båtstrand (MDG) og Ove Sverre Bjørdal (Sp), begge her i midten, ser ut til å vera ute av dansen.

Foto: Sølve Rydland / NRK

Beklager, vi kunne ikke vise innholdet.
Se «Valgresultat Bergen 2015» i nytt vindu

Forhandlarar

Her er dei som skal forhandla om byrådssamarbeid i Bergen:

SV

  • Mikkel Gruner
  • Tina Åsgård
  • Gina Barstad

KrF

  • Dag Inge Ulstein
  • Marita Moltu
  • Terje Gilje

Arbeidarpartiet

  • Harald Schjelderup
  • Marte Mjøs Persen
  • Eigil Knutsen

Venstre

  • Erlend Horn
  • Julie Andersland
  • Stian Skår Ludvigsen

Siste video

Det aller første julemarkedet i Bergen er en suksess. Den første uken det har vært åpent har tusenvis av mennesker vært innom.
Vestlandsrevyen 12. desember 2017