Det skal kome eit hundre millimeter nedbør på eit døgn i deler av fylket vårt, men allereie har fleire møtt problem etter dei store nedbørsmengdene.
I Sædalen i Fana i Bergen er ein veg i fare for å rett og slett bli skylt vekk.
Brannvesenet rykka ut til ein lågblokk i Eliasmarken på Laksevåg i Bergen, der ein bustad var trua av overfløyming på grunn av nedbørsmengdene.
– Det er ein kjellar som er i ferd med å bli fylla med vatn, og det er fare for at det skal komme vatn inn i ein busrad, sa vaktkommandør ved 110-sentralen, Arne Rikstad til NRK i 15:00 tida i dag.
- LES OG:
Mange oppdrag
Dette er det tredje oppdraget brannvesenet i Bergen rykka ut på knytt til nedbørsmengdene så langt i dag. Tidlegare i dag har dei vore i Morvik i Åsane og ved ein bensinstasjon på Laksevåg.
– Dei to andre stadane har det gått fint med. Det er ikkje alle sluker som det er reinska opp i dessverre, og ofte er det grunnen til overfløymingar, seier Rikstad.
Og det skal berre fortsetje å regne ...