Klokka 23:40 fekk politiet melding om at det hadde gått eit ras i Krokagildet ved Mauranger i Kvinnherad på fv. 551.
Brannvesenet og andre naudetatar rykka ut etter melding om ras, Sea King var på veg frå Sola med lavinehundar og Røde Kors søkte gjennom raset.
– Det er overveldande sannsynleg at det ikkje har vore nokon i skredet. Men for å vere på den sikre sida, sender vi opp Røde Kors for å gå gjennom skredet, sa redningsleiar Eirik Walle på Hovedredningssentralen i går kveld.
Klokka 00.30 vart raset undersøkt og det vart ikkje funnen nokon.
Vegen framleis stengt
Vegen er framleis stengt i Krokagildet ved Mauranger etter at raset sperrar vegen. Statens vegvesen vil vurdere situasjonen når det blir lyst.