– Røykdykkarane har vore inne i hytta og ikkje gjort noko funn. Så då reknar me ikkje med at det er folk der inne, seier vaktoperatør ved 110-sentralen, Torkjell Helle.
Det brenn i ei hytte i Langerekkja i Arna. Hytta skal ligga avsides, og det er ikkje fare for spreiing,
Kokka 21.10 opplyser Helle om at brannvesenet har kontroll på staden, og vil halda fram med slukkingsarbeidet utover kvelden.
– Me kan ikkje sei noko om kor store skader hytta har fått endå.
Mykje røyk
Brannen vart meldt inn av ein nabo som observerte røyk og flammar frå hytta.
– Me har blitt fortalt at hytta skal vera ubebudd, men me var likevel inne å sjekka med røykdykkarar for å vera sikker, seier Helle.
Operasjonsleiar i Hordaland politidistrikt, Bjarte Rebnord, seier dei er på staden.
– Det er mykje røykutvikling her no, så me har bedd nokon av naboane om å lukka att vindauga. Me må vurdera etterkvart om me må evakuera dei som bur tett på.