– Skytinga haldt fram. Det kom nærare. Me sprang, vassa og svømte. Til slutt fann eg ut at eg måtte leggja på svøm for å koma meg vekk frå øya, og det gjorde eg, seier 20-åringen.
- Les alt om tragedien: Terrorangrepet mot Norge 22. juli 2011
Valle fortel at ho aldri kjem til å gløyma synet av vener som brutalt vart skotne ned.
– Eg kom meg såpass langt vekk frå øya at han mest sannsynleg ikkje hadde klart å skyte meg om han hadde prøvd. Men eg snudde meg, og såg vener verta drepne. Det er heilt ufatteleg, fortel ho.
- Far, Sveinung Valle: – Mette fortalde at det var politiet som skaut
Valle var ei av 25 frå Hordaland som var på AUF sin sommarleir på den vesle øya i Buskerud.
Til no har det vorte opplyst at 93 personar skal ha vorte drepne etter terrorangrepet på Noreg.
Sju av desse skal ha mista livet etter bombeeksplosjonen i Oslo, medan dei 86 andre på AUF sin sommarleir på Utøya.
- Les:
Måndag føremiddag seier derimot politiet at dødstalet etter skytemassakren på Utøya kan verta nedjustert.