Bilistar frå Hordaland betalte flest kroner til statskassa for å ha køyrt for fort i 2009.
Det viser ei gjennomgang NRK har gjort.
I fjor blei over 15 000 forenkla førelegg vedtatt, og til saman betalte fartsyndarane nær 32 millionar kroner til staten.
LES OGSÅ: Her tas han i 190 km/t
LES OGSÅ:
(Saka held fram under grafane)
- Inntektene bør øyremerkast
Arne Aase, leiar i Hordaland Trygg Trafikk, er ikkje overraska.
- Folk i by og på bygd er ofte stressa når dei køyrer bil, og dei gjer veldig mykje anna enn å konsentrera seg om det som skjer i trafikken, seier Aase.
I dag går alle inntektene frå fotoboksane rett inn i statsbudsjettet. Aase meiner staten heller bør øyremerka pengane til trafikksikring.
- Pengane bør gå til trafikktrygging.
Då tenkjer ein alltid at ein må byggja eit eller anna, men det er veldig mykje haldningsendrande arbeid som bør gjerast, seier Aase.
Vil verka positivt inn på ulukkestala
Tore Høyland, senioringeniør i Statens Vegvesen, er einig.
- Det er viktig begge delar, og me ser at eit godt samspel i trafikken fører til færre ulukker. Så klarar me å få det samspelet til å fungera bra, så verkar det positivt inn på ulukkestala også, meiner Høyland.
Dei førebelse tala for 2010 kan tyde på ei nedgang i talet på vedtatte førelegg, med 9000 i oktober.
Kva meiner du burde gjerast med inntektene frå fotoboksane?