– Det har vore ein frykteleg utvikling til no i år. Vi er skuffa over at tala går opp og ikkje ned, seier distriktsleiar Arne Aase i Trygg Trafikk Hordaland til NRK.no.
I ei pressemelding skriv Trygg Trafikk at Hordaland framleis er på ulukkestoppen.
Det er dobbelt så mange som har mista livet på vegane i vestlandsfylket, enn i Nordland som er neste fylke på lista med fire omkomne.
Nedgang i landet
Samstundes går talet ned på landsbasis.
I heile Norge har 36 personar mista livet i trafikkulukker, mot 39 i 2012.
– Det har vist seg i mange år at Hordaland har vore eit «stikk motsett fylke», meiner Aase.
- LES OGSÅ:
- LES OGSÅ:
Han seier at dei skiftande køyreforholda i fylket gjer det krevjande for bilførarar.
– Det har vore fine tørre parti på vegane, men med plutselege glatte parti. Folk må tilpassa køyringa si, seier Aase og ber om at folk passar farten.
– Vi har vel sjeldan hatt ein så fæl start på året som vi har hatt i år. Vi håpar verkeleg at folk tar forholdsreglar slik at sommaren og hausten vert betre, avsluttar Aase.