Her er politikarane sin siste appell til deg

Vi bryr oss ikkje om ei løysing er offentleg eller privat, så lenge den er god. Det skil oss frå dei raude miljøpartia, som kjempar klimakampen med ei hand bunden bak på ryggen.

Erlend Horn (Venstre)

Eg kjem med eitt løfte. Dersom eg blir byrådsleiar, skal søndagen framleis vera ein annleis dag, der familien har tid til kvarandre, til å gå på tur, nyte kultur og idrett.

Harald Schjelderup (Arbeidarpartiet)

Når Arbeidarpartiet ønskjer å styre byen saman med KrF, så trengst det ein opposisjon til Venstre i bystyret. Som kan trekke politikken i ein grønare og meir rettferdig retning.

Sofie Marhaug (Raudt)

Det viktigaste er å skape trygge oppvekstvilkåra for barn og unge. Vi ser mobbing florerer framleis, det er ein uting.

Tor Woldseth (Framstegspartiet)

Vi ynskjer eit urbant friluftsliv med grøne lunger og der ingen er lenger unna enn 500 meter til næraste turveg. Maten skal vi leve av, helsa skal vi leve med.

Ove Sverre Bjørdal (Senterpartiet)

Vi vil sørge for frisk luft heile året. Vi er ikkje berre drøymarar, men beinharde realistar. Og realiteten er at vi ikkje kan halde fram på dagens kurs.

Sondre Båtstrand (Miljøpartiet Dei Grøne)

Bergen er ein solidarisk by, der vi kjenner på plikta til å hjelpe menneske i naud. Vi vil vere garantisten for anstendigheit og nestekjærleik i bergenspolitikken.

Mikkel Grüner (Sosialistisk Venstreparti)

Vi har fått til mykje, men vi vil så mykje meir. Vi har ideane for korleis Bergen kan bli enno betre. Byen treng framleis borgarleg styre.

Martin Smith-Sivertsen (Høgre)

Spørsmålet i framtida blir om vi gjorde alt det vi kunne for dei som treng det aller mest. KrF skal gjere alt vi kan for dei som treng det mest.

Dag Inge Ulstein (Kristeleg Folkeparti)