Arbeidstilsynet gir Haukeland Universitetssjukehus ei rekkje pålegg og kjem med kraftig kritikk av arbeidsmiljøet i Helse Bergen.
Blanta anna påpeiker dei at: «Summen av de ulike effektiviseringstiltakene har bidratt til et stor press på helsemiljøet og sikkerheten til de ansatte. Mange strekker seg langt utover det som er helsemessig forsvarlig».
Anne Kverneland Bogsnes er direktør i Helse Bergen.
- Stortinget har ansvaret
Direktør i Helse Bergen, Anne Kverneland Bogsnes, meiner det er Stortinget som har ansvaret.
- Den største utfordringa er det manglande samsvaret mellom oppgåver og det me har av ressursar. Me treng meir midlar, meiner ho.
Bygningsmassen ikkje tilfredsstillande
I tillegg meiner tilsynet at bygningsmassen på Haukeland ikkje er tilfredsstillande.
«Rammevilkårene, med en gammel bygningsmasse, setter store begrensninger i forhold til dette. Bygningene har lenge vært utnyttet til bristepunktet og mer til», lyder den krasse kritikken.
Dette kom fram på ein pressekonferanse i dag.
Handlingsplan og risikovurdering
Bakgrunnen for kartlegginga til Arbeidstilsynet er dei store endringane som er gjennomførte etter at helsereformen blei innført.
Det skal utarbeidast konkrete handlingsplanar og risikovurderingar for å betra på forholda, og pålegga skal utførast innan 1. desember 2006.
Leverer helsevarene
Likevel påpeiker Arbeidstilsynet at Haukeland leverer dei helsevarene dei skal.
«God støtte fra kollegaer og ledere, hensynet til pasienter, stor lojalitet og høy etisk standard synes å være viktige forklaringer til at sykehuset oppnår en akseptabel standard på helsetilbudet».