NRK Meny
Normal

Mannen med ideen om VM i Bergen: – Mange meinte nok at eg drøymde for stort

Då Steinar Remme først lanserte ideen om sykkel-VM i Bergen, var det slett ikkje alle som trudde at det var ein realistisk ide. – Mange fekk nok litt hakeslepp, seier Remme.

Politikarar og sykkelentusiastar feirer sykkel-VM

Politikarar næringslivet og sykkelentusiastar feira med kake på rådhuset då beskjeden om at Bergen får arrangere sykkel-VM kom på torsdag. Steinar Remme til høgre i biletet.

Foto: Hommedal, Marit / NTB scanpix

Torsdag denne veka kom beskjeden om at Norge og Bergen får sykkel-VM i 2017. Bodskapen vart tatt imot med vill begeistring blant politikarar og sykkelentusiastar på rådhuset i Bergen.

Får 30 millionar til sykkel-VM

Steinar Remme i Fana sykkelklubb (t.v.), Bjarte Hetlevik i Sotra sykkelklubb og Frode Nyhammer i Fana sykkelklubb (t.h.) er blant initiativtakarane til sykkel-VM i Bergen.

Foto: Marie Stafsnes Osland / NRK

Men ideen om sykkel-VM vart lansert første gongen på eit julemøte i 2010. Då var det slett ikkje alle som lét seg overtyde om at det var mogleg å gjennomføre.

– Mange lurte nok litt på kva eg bala med, seier Steinar Remme som kom med ideen om sykkel-VM første gongen.

–Nokon meinte at eg drøymde for stort

Steinar Remme i Fana sykkelklubb har vore med på å arrangere Fana sykkelfestival i 10 år. I 2008 var han òg med på å arrangere NM i Bergen i 2008. Året etter reiste han til Sveits for å oppleve VM. Der vart han overtydd. Bergen skulle arrangere sykkel-VM.

– Eg lanserte ideen på Fana sykkelklubb sitt julemøte i 2010. Der var det nok ein del som fekk hakeslepp og som meinte at eg drøymde for stort, seier Remme.

Men Steinar Remme hadde ikkje tenkt å gje opp av den grunn. Saman med Bjarte Hetlevik i CK Sotra og Frode Nyhammer i Fana Sykkelklubb, gjekk han til politikarane med draumen.

– Dei trengde nokon dagar på å tenke seg om, men eg hadde trua.

Fest frå ende til annan

Under NM i 2008 såg Remme potensialet blant bergensarane.

– Det var så utruleg mange som engasjerte seg og som var klare for å lage fest. Landskapet og arenaen ligg jo her allereie. Me har alt me treng for å lage VM i Bergen, seier Remme.

– Det eg gler meg aller mest til er festen. Eg har opplevd eit sykkel-VM utanlands, og det er ein fest frå ende til annan. Det kjem til å skje mykje rundt eit slikt arrangement, og målgangen er midt i sentrum. Det kjem til å myldre av folk, og dette blir ei oppleving me aldri kjem til å gløyme.

Det internasjonale sykkelforbundet (UCI) kunngjorde torsdag at det har tildelt VM på landevei i 2017 til Bergen.

SJÅ VIDEO: Slik såg det ut på rådhuset då Bergen fekk VM.

Siste video

Programleder: Jan Børge Leirvik
Lars Vaular, Nordvegen, Marius Neset, Terje Isungset og Eivør underholdt tusenvis på Torgallmenningen.
Kringkastingssjef Thor Gjermund Eriksen møtte NRKJ-leder Richard Aune.