VIKTIG: Oppdraget er viktig, seier forsvarsminister Anne-Grete Strøm-Erichsen.
Foto: Espen Andersen / NRKDette blir i så fall andre gongen det norske forsvaret sender ein fregatt til området ved Afrikas horn.
I august 2009 blei fregatten Fridtjof Nansen sendt frå Bergen .
– Vi har fått i oppdrag å førebu deltaking i 2013. Det er vi i full gang med, seier generalinspektør for Sjøforsvaret, Bernt Grimstvedt til NRK.no.
– Må ta vår del
Noreg er beden om å senda ein fregatt som skal leia ein ny NATO-operasjon. Det kostar mykje pengar, men kan vera vanskeleg å seia nei til.
Ti prosent av skipa som går gjennom det pirat-farlege området er norske.
– Oppdraget er heilt klart viktig, og vi må jo også ta vår del. No gjer vi grundige vurderingar av korleis dette eventuelt skal skje, seier forsvarsminister Anne-Grete Strøm-Erichsen (Ap).
Noreg har tidlegare også bidratt med .
Siste halvdel av 2013
Operasjonen er planlagt til siste halvdel av 2013.
– Det er stor entuasiasme for dette i heile Sjøforsvaret, seier generalinspektør Bernt Grimstvedt.
Det blir truleg tatt ei endeleg avgjerd om norsk deltaking i løpet av hausten. Det er enno ikkje avgjort kva typar mannskap som skal vera om bord i fregatten.
Det blir ikkje rekna som særleg overraskande at Noreg blir beden om å delta i ein ny operasjon.
Det farlege området blir no overvaka av om lag 25 marinefartøy frå fleire land.
Les også:
FREGATTAR: Ein av desse to fregattane som ligg ved kai på Haakonsvern kan bli send til Adenbukta på piratjakt.
Foto: Ingfrid Berge Fossåskaret / NRK