– Ei flaske med nitrogen har eksplodert. Det er ikkje meldt om personskade, seier Rune Vigum i brannvesenet.
Meldinga kom inn til politiet klokka 14.50.
– Me fekk melding om at det hadde vore ein eksplosjon i Håkonshellevegen, og at det var mogleg det dreia seg om ei gassflaske, seier operasjonsleiar i Hordaland politidistrikt, Håkon Magnussen til NRK 15.12.
– Ein vegg skal vere blåst ut og det skal vere hol i taket.
Ingen personskade
Det skal ikkje vere brann i bygningen som høyrer til firmaet HyCom.
– Det er ikkje meldt om personskade, og ifølgje personar på staden har dei kontroll på alle sine tilsette, seier Magnussen.
Årsaka til eksplosjonen er enno ikkje kjent.
– Under trykktesting av ei gassflaske med nitrogen så har det skjedd ein eksplosjon, seier brigadeleiar Kjell Ove Christophersen i Bergen brannvesen.
Dramatisk
– Eg trur nok at dei som var nær eksplosjonen då den skjedde vil ha opplevd dette som svært dramatisk. Vegger og vinduer er skadd av trykket eksplosjonen skapte.
– Var det mange personar i arbeid då eksplosjonen skjedde?
Så langt tyder alt på at det berre var ein person til stades i sjølve lokalet. Bygget vert no avstengt, seier Christophersen.
Politiet skal no etterforske saka.
– Vi kjem til å sperre av åstedet og så vil det bli gjennomført undersøkingar av både av politi og eventuelt Arbeidstilsyn, seier innsatsleiar Tom Øyvind Johannessen i Hordaland politidistrikt.