RYKKA UT: Politi og brannkorps på staden.
Foto: Terje Nesthus / 03030-tipsar– Vi kan bekrefte at det brenn i huset. Personane som bur på adressa, har kome seg ut og står utanfor, fortalde vaktkommandør Torkjell Helle ved 110-sentralen i Hordaland klokka 20.20.
Mannskap frå politi, brannkorps og ambulanse rykka ut til adressa i Rognshagen på Voss, då meldinga kom inn kring 20.15 søndag kveld.
Då dei kom fram kunne dei bekrefte at det kom røyk frå huset og dei kunne høyre brannvarslaren inne i bustaden.
Brann i kjellaren
Klokka 20.38 skriv politiet på Twitter at det brenn i kjellaren på huset. Dei bekreftar også at ingen av bebuarane har kome til skade. Alle kom seg ut då det byrja å brenna.
Driv ettersløkking
Klokka 21.00 fortel brannvesenet til NRK at dei no driv ettersløkking på staden. Skadeomfanget er førebels ukjend.
– Då røykdykkarane tok seg inn i bustaden under brann, fann dei ein hund. Den vart henta ut og er i live, fortel vaktkommandør Torkjell Hjelle ved 110-sentralen i Hordaland.
Har kontroll
Siste frå brannvesenet er at ein no har kontroll etter brannen.Huset er søkt gjennom og alle personane er i tryggleik.
Det går ikkje an å bu i huset, og bebuarane som kom seg ut av huset vil bli innlosjert hjå familie, ifølgje politiet. Årsaka til brannen er ikkje kjend.
FEKK KONTROLL: Brannmannskap på staden i Rongshagen. Skadane på huset er omfattande, og bebuarane blir innlosjert andre stader for natta.
Foto: Terje Nesthus