Frelsesarmeen startar gatehospital
I november blei det klart at det var sett av 20 millionar kroner til eit gatehospital i Bergen i statsbudsjettet. Frelsesarmeen har no fått jobben med å driva tilbodet. ‒ Det er klart me var spente på kven som skulle driva gatehospitalet i Bergen, men me håpa sjølvsagt at det blei oss. Me har drive Gatehospitalet i Oslo i 10 år og har god erfaring frå arbeidet som drivast der, skriv organisasjonen i ei pressemelding.