Flytrafikken i gang igjen på Flesland

SISTE: Flytrafikken er i gang igjen, melder Avinor klokka 21.40.

– Det er framleis kraftig vind. Me har hatt vind opp i 60 knop i kasta og det blir kraftigare dei neste timane, sa lufthavndirektør ved Bergen lufthavn, Aslak Sverdrup, til NRK i ettermiddag.

– Akkurat no er det så kraftig sidevind at det går ut over dei grensene som flya kan fly på, opplyste han.

Kansellerte fly

Han opplyste at ingen fly kunne ta av eller lande på Flesland.

– Det er meldt kraftig vær dei neste timane, men det er viktig at folk held kontakt med flyselskapet dei skal reise med, sa Sverdrup.

– Det kan hende det betrar seg i løpet av kvelden, men akkurat no er det mange menneske i terminalen. Dei bookar om billettar eller ventar på ny informasjon.

Han var forsiktig optimist då han fekk spørsmål om kor tid trafikken kunne koma i gang igjen.

– Det er sjanse for det seinare i dag, men ikkje på kort sikt. Me følger været tett, og me ligg i forkant i forhold til dei tiltaka me implementerer, så får me håpe det løyar seinare på kvelden, sa han.

• LES OGSÅ: Stormen herjar på Vestlandet
• LES OGSÅ: Politiet åtvarer: – Ikkje gå ut!