– Det er ganske kjedeleg å sjå på venner som er ferdige utdanna no, og eg er ikkje ferdig med vidaregåande eingong, seier Thea Akselberg Sætre.
22-åringen frå Bergen bestemte seg for å slutta på vidaregåande medan ho gjekk i andreklasse. Det er ho ikkje aleine om.
- LES OGSÅ:
Av dei som starta i 2009, er det tilsaman 100 skuleklassar som ikkje har fullført etter fem år i Hordaland.
– Det var i løpet av andre klasse eg droppa ut. Det var viktigare å vera sosial, og eg vart anbefala å slutta i staden for.
(Fleire av fylka med færre elvar har langt høgare fråfallsprosent enn fylka med flest elevar)
Dårlegast i klassen
Hordaland er det fylket der flest elevar droppar ut av vidaregåande. Av dei fylka med mest flest elevar er det også her fråfallet er størt måla opp mot elevtala.
1824 av elevane, 29 prosent, av dei som starta på vidaregåande i Hordaland i 2009 hadde ikkje fullført utdanninga etter fem år.
- LES OGSÅ:
– Det uroar med veldig. Me hadde håpa at me hadde sett betre resultat, seier Høgre sin skuletalsmann i Hordaland, Dan Femoen
Sjølv om 40 ulike enkelttiltak (ekstern lenke) er testa ut, har fråfallstala vore stabile frå 1994 og fram til i dag.
– Gjer ikkje nok
– No har Høgre og Frp styrt fylkeskommunen i 12 år. Resultatet er nedslåande, seier Rasmus Laupstad Rasmussen frå Arbeidarpartiet
Han skuldar det borgarlege fleirtalet for å ha svikta i kampen mot fråfallet.
– Under 70 prosent av dei som byrja på vidaregåande skule i Hordaland fullfører. Det er ganske dramatisk det me ser.
– Vil bli sjukepleiar
Andre fylkeskommunar har betre resultat enn Hordaland. Medan Akershus har 1000 elevar meir enn Hordaland droppa færre elevar ut kvart år.
– Eg trur ikkje me ha famla i blindet, men me har sett i gong mange tiltak for me har dårleg tid, seier Femoen.
Med laptopen i fanget gjer Thea Akselberg Sætre ein innsats for å ta igjen det tapte som privatist, 22 år gammal ber ho andre velja annleis enn ho gjorde sjølv.
– Tenk deg om ein ekstra gong. Det er berre tre år så er du ferdig. No veit eg at det er sjukepleiar eg vil blir, så eg må berre stå på.