NRK Meny
Normal

Snøvêret laga trøbbel

Våt og tung snø har stengt fleire vegar og gjort fleire tusen straumlause i dag.

Tre ligg over linje opp mot Bontveit

OVER LINJE: Eit tre har ramla over ei linje på fylkesveg 165 mellom Kaland og Bontveit. Brøytebilsjåføren som har tatt dette bildet kjem ikkje forbi.

Foto: 03030-tipsar

Fredag morgon har det kome inn ei rekke meldingar om velta tre og stengde vegar.

Spesielt på fylkesveg 580 mellom Arna og Nesttun i Hardangervegen har det vore fleire tre og leidningar som har ramla over vegen.

– Vi har stengt vegen ved Hjelle bakeri. Først ramla ein høgspentkabel over vegen, og vi tek ingen sjansar. Den kan vera straumførande, seier operasjonsleiar Morten Kronen i politiet til NRK like før klokka 08.00.

Straumleidning ramla ned og trefte bil

Linjebrot i Arnatveitvegen

RAUK AV: Mannskap frå BKK med ein vaier som ikkje tolte snømengda i dag.

Foto: Dag Harald Kvammen Andersen / NRK

Rett etter ramlar nok ein straumleidning ned, og denne gongen trefte den ein bil.

– Det gjekk heldigvis bra med føraren av bilen, men bilen har fått ein kraftig bulk i taket. No må vi ha fleire frå BKK på plass her, seier Kronen.

– Det var mykje våt og tung snø i går kveld og så har det snødd i heile natt. Dette har lagt seg på linjene. Det er årsaka til både straumbrot og leidningsfall, forklarar Anne Mette Tuvin, kommunikasjonsrådgjevar i BKK

Klokka 08.30 er Hardangervegen mellom Arna og Nesttun opna for trafikk igjen.

Laster Twitter-innhold

Fleire tusen utan straum

Ifølge BKK skal i overkant av 3000 kundar no vere utan straum. Det største straumbrotet er på Osterøy, der har fleire stader vore utan straum sidan seint i går kveld.

Som følgje av dette er både Haus skule og Haus barnehage stengt, skriv Bygdanytt.

Også delar av Nordhordland og Bergen er ute, samt på Os og i Gulen.

Sjå oversikt over kor straumen er vekke her.

– Ikkje rør leidningar

På Fv 165 Gymmeland – Frotveit, på strekninga Kaland–Bontveit er stengt på grunn av oppryddingsarbeid etter ein rotvelt. Fylkesveg 328 Stordalen er no open etter at eit tre låg over vegen.

BKK åtvarar folk om å ikkje røre linjer som ligg på bakken, då dei kan vere straumførande. BKK satsar på at dei får orden på straumbrota utover føremiddagen.

Siste video

Distriktsnyheter fra Hordaland og Sogn og Fjordane
Erna Solberg med fremføring av "Nystemten" og Ketil Solvik-Olsen på tuba var en del av den offisielle åpningen av Bergens nye flyplass.
Se hele arbeidet med å fjerne flytedokken fra Foto/redigering: Tim Wassmo