Kvart år får stadig fleire nordmenn klamydia, som er ein smittsam kjønnsjukdom som kan føre til sterilitet.
Størst auke blant unge
Talet på klamydiatilfelle auka med 380 i fjor, frå omlag 1500 tilfelle i 2004 til rundt 1900 i 2005. Det er ein auke på 24%.
Størst er auken i aldersgruppa 15 til 19 år. Her fekk 47% fleire påvist sjukdommen i 2005 enn i 2004.
Samstundes er det store kjønnsskilnader. Menn i alderen 15-24 år hadde ein auke på 47% i påviste klamydiatilfelle i 2005, medan kvinnene i same aldersgruppe auka med 25%.
- Det aukar jamnt og trutt, og i det siste har auken blitt stadig større her på Haukeland Sjukehus, fortel seksjonsoverlege ved avdeling for mikrobiologi, Helge Myrmel.
Meir tilfeldig sex
Den store auken i klamydiasmitte skuldast delvis nye prosedyrar for prøvetaking, men Mymel trur også at folk er blitt dårlegare til å bruka kondom.
- I tillegg er det fleire som har tilfeldig sex, og det har stor innverknad på slike type infeksjonar, fortel han.