UROVEKKANDE: Martin Bernsen seier det er urovekkande at mange reiser frå Noreg for å krige i Syria.
Foto: Åserud, Lise / SCANPIX– Eg vil ikkje nødvendigvis beskrive det som eit miljø, men me har sett at enkeltpersonar har reist frå Vestlandet, seier seniorrådgjevar Martin Bernsen i PST.
Fleire ungdommar frå Vestlandet har siste halvåret reist til Syria for å kjempa for Den islamske stat (IS) i Syria og Irak.
– Urovekkande
Kampen mot styresmaktene i Syria og Irak har vore uvanleg brutal. Det har også vekt oppsikt at mange av dei som kjempar for den Islamske stat IS, gjerne kjem frå vårt eige nabolag.
- LES OGSÅ:
– Det er urovekkande at det reiser folk frå heile landet, og det er sjølvsagt urovekkande for dei det gjeld, seier seniorrådgjevar Bernsen.
60 norske ungdommar har reist for å kjempe i krigen i Midtausten. PST er forsiktige med detaljar om dei som har reist.
– 10 er drepne
Minst 10 av dei 60 som har reist til Syria og Irak er nordmenn som har konvertert til islam. Mange av desse er etnisk norske.
- LES OGSÅ:
– Av dei 60 personane så har rundt 20 av dei kome attende, og rundt 10 av dei er drepne, seier seniorrådgjevar Martin Bernsen i PST.
– Er nokon av dei som er drepne frå Vestlandet?
– Det kan eg ikkje kommentere, seier Bernsen.
