Brua det gjeld, ei såkalla militær «bailey-bru», må eventuelt i staden settast opp utanfor den eksisterande vegen. Dette vil ta tid å få til.
– Grunntilhøva er ustabile og dårlege og det må dessutan byggast tilførselsvegar fram til brua på begge sider, opplyser Statens vegvesen
Grunnekspertar til staden i morgon
I morgon skal grunnekspertar sjå nærmare på saka, og på ettermiddagen vil det bli tatt ei avgjerd.
Brua vil eventuelt kome på plass på laurdag dersom dette syner seg å vere ei trygg løysing.
LES OGSÅ: E16 framleis stengt – vurderer militærbru
Lysregulert omkøyring
Inntil vidare er det framleis lysregulert omkøyring for personbilar og køyretøy under 7,5 tonn via ein kommunal lokalveg på staden.
Køyretøy over 7,5 tonn må ta fylkesveg 7 via Hardanger og Kvamskogen.