Politiet fekk melding om hendinga litt før klokka 21:00 fredag kveld. Ferja hadde ein hard innfart då ferja skulle leggje til kai på Hjellestad sida.
– Politiet kom raskt til staden og det skal ikkje vere snakk om personskade eller lekkasje, seier operasjonsleiar Janne Steimler Sætre i Hordaland politidistrikt til NRK.no.
Ferja og ein fritidsbåt kolliderte nesten, så ferja måtte gjere ein unnamanøver og køyrde difor på land.
– Ferja skal ha fått ein del materielle skadar og er no ute av drift, seier Sætre. .
Det var fem passasjerar, ein bil og 2 tilsette om bord.
Ferja går frå Klokkarvik til Hjellestad, via øyane Lerøy og Bjelkarøy i Sund.