Fekk blinkskot av spekkhoggar

Fotografen knipsa bilde av spekkhoggaren, og såg ikkje før etterpå at han hadde ei nise i kjeften.

Spekkhoggar med nise i kjeften

EIN BRØKDEL AV EIT SEKUND: Fotografen knipsa bildet akkurat i det rette øyeblikket.

Foto: Anton Berndt
Åge Algerøy
Journalist

Zoologen Torstein Solhøy frå Universitetet i Bergen var langfredag på biltur langs Eikelandsfjorden i Fusa saman med venen Anton Berndt frå New Zealand.

Då oppdaga dei ein flokk med spekkhoggarar på fjorden. Dei stoppa på kaien i Eikelandsosen, og Berndt tok fram kameraet for å ta bilde.

– Fantastisk oppleving

Det var mange niser på fjorden samtidig, og plutseleg glefsa den eine spekkhoggaren til og fanga ei nise på 20-30 kilo.

Akkurat då knipsa fotografen eit bilde.

– Eg la ikkje merke til at spekkhoggaren hadde noko i munnen før etter at eg hadde tatt bildet og såg det på kameraet, seier fotografen til NRK.

– Korleis reagerte du då?

– Eg blei jo veldig overraska, seier Berndt.

Han opplever dei norske fjordane for første gang, og syns det var fantastisk å få oppleva dette.

– Det er ganske unikt å få bilde av noko slikt, så vidt eg kan bedømma, seier zoolog Torstein Solhøy til bt.no.

  • Har du opplevd spekkhoggarar? Skriv gjerne om opplevinga i kommentarfeltet nederst.

Mange har møtt spekkhoggarar

Det har vore spekkhoggarar fleire stader på Vestlandet dei siste vekene, blant anna i Sandeidfjorden i Rogaland og ved Vadheim i Sogn og Fjordane.

I Fusa fortel folk at dei nyleg har sett spekkhoggarar både ved Sævareid og i Ådlandsfjorden.

Mange seier at dei har hatt store naturopplevingar i møtet med spekkhoggarane.

– Det var eit fantastisk syn. Dette er slett ikkje kvardagskost på desse trakter, seier Gunn-Marit Hårde som opplevde spekkhoggarar i Sandeidfjorden (sjå video under).

Spekkhogger

SJÅ VIDEO: Møte med spekkhoggarar i Sandeidfjorden.

NRK anbefaler

Siste video

På Universitetet i Bergen redder de daglig måseunger. Problemet er at de blir lokket av lys og roter seg inn på steder de ikke kommer seg uten igjen fra.

Måkeredning på Universitetet

På Universitetet i Bergen redder de daglig måseunger. Problemet er at de blir lokket av lys og roter seg inn på steder de ikke kommer seg uten igjen fra.

Mange av tiggerne ser ut til å ha droppa Stavanger i sommer - til fordel for Bergen. Der er det nemlig en dobling av tiggere nå i sommer.

Tiggere drar fra Stavanger til Bergen

Mange av tiggerne ser ut til å ha droppa Stavanger i sommer - til fordel for Bergen. Der er det nemlig en dobling av tiggere nå i sommer.

I kveld speler Razika konsert for bebuarane på Landås mottak.

Razika på Landås mottak

I kveld speler Razika konsert for bebuarane på Landås mottak.