Kvinna er psykisk utviklingshemma, har ikkje språk, og klarar seg ikkje sjølv.
Kvinna vart sist sett klokka 23.00, ved leggetid. Politiet leita i nærområdet i tilknyting til bustad, med fire einheitar.
– Ein hundepatrulje fann denne kvinna ikkje så langt unna bustaden, og det skjedde klokka 06.42 i dag tidleg, seier Erik Hole som er operasjonsleiar i Hordaland politidistrikt til NRK.
Politiet hadde sendt opp fire einheitar, med hundepatrulje og innsatsleiar, to politipatruljar. Luftambulansen var med i overflatesøk.
Politiet vurderte å kalle inn båtar for å delta i søket.
Norske Redningshunder og Røde Kors vart varsla.