Fann nedkjølt mann i snøen på Finse

Ein hytteeigar fann ein nedkjølt skiløpar ved Finse.

Åge Algerøy
Journalist

– Det er ein hytteeigar som har funne ein mann i 70-årsalderen nedkjølt i terrenget om lag ein kilometer sør for Finse, seier operasjonsleiar Terje Erichsen ved Hordaland politidistrikt til NRK.

Meldinga kom inn i 9-tida, og ein snøskuterpatrulje frå Røde Kors på Finse rykka ut til staden.

– Dei skal ta mannen med seg til hotellet på Finse og ta ei ny vurdering der. Det er ikkje ver til å fly helikopter, så mannen må eventuelt fraktast med toget viss han må til lege eller sjukehus, seier Erichsen.

Politiet er ikkje direkte involvert i aksjonen, og Erichsen har difor ikkje fleire opplysningar om hendinga. Mannen skal vera frå Nederland, og er i området for å gå på skiturar.

Seinare viser det seg at mannen er i betre form enn dei første opplysningane tyda på.

– Han treng ikkje noko meir hjelp, seier operasjonsleiaren.

Finse ligg drøyt 1200 meter over havet, og har den høgastliggande stasjonen på Bergensbanen.

Laster kart, vennligst vent...

Siste video

I dagens sending kan du sjå om parkeringsproblem på Haukeland, 70 åring i Gulen med lang veg til postkassen og Oddvar Torsheim er glad for at meir av kunsten hans kjem på museum i heimbyen.
Programleiar er Jan Børge Leirvik.
Hugger ned 300 år gammel tre i Bergen
Meisterfinale på Brann stadion, ekstremistar på bygdene og eldre som må flyttast ut av kommunen for å få sjukeheimsplass. Dette er nokre stikkord for dagens sending. Programleiar Jan Børge Leirvik